Հատկապես կարևոր է վերահսկել փոքր երեխաների կողմից ինտերնետի օգտագործումը, քանի որ երբ երեխան օգտվում է ինտերնետից առանց վերահսկողության, կարող են տեղի ունենալ շատ անցանկալի փոխազդեցություններ։

Մինչև 10 տարեկան երեխաների համար

1. Ստեղծեք երեխայի իրական տարիքը նշող պրոֆիլ: Երեխային Google-ում կամ Apple-ում գրանցելիս նշեք նրա իրական տարիքը: Այդ պարագայում համակարգերն ավտոմատ կերպով կզտեն ոչ պատշաճ բովանդակությունը:

2. Օգտագործեք ծնողական վերահսկողության ծրագրեր: Այդպիսիք են, օրինակ, Google Family Link-ը կամ Family Settings Apple-ը: Երեխային պարզ բացատրեք, որ այդ ամենն իր անվտանգության համար է և հեռախոսից կամ պլանշետից օգտվելու նախապայման է:

3. Ուղղորդեք համացանցում երեխայի ներգրավվածությունն ու ակտիվությունը։ Նրանց տարիքին համապատասխանող ռեսուրսներ ցույց տվեք, օրինակ՝ YouTube Kids—ը: 

4. Սահմանեք ինտերնետից օգտվելու կանոններ։ Երեխայի հետ համաձայնության եկեք, թե որքան ժամանակ կարելի է անցկացնել ինտերնետում և որոշեք, թե ինչ կարելի է անել և ինչ չի կարելի անել: Գրեք կանոնները և դրանք տեղադրեք տեսանելի վայրում: Երեխաների հետ համաձայնության եկեք նաև կանոնների խախտման հետևանքների շուրջ:

5. Զրուցեք երեխայի հետ և հետևեք նրա գործողություններին ինտերնետում: Երեխաները կարող են չխոսել խնդիրների մասին, եթե վախենում են, որ իրենց կպատժեն կամ իրենց ձեռքից կխլեն սարքը:

Ինչպե՞ս պաշտպանել 10 տարեկանը լրացած երեխային առցանց բռնությունից

Ծնողական վերահսկողության ծրագրերը ժամանակի ընթացքում կորցնում են արդյունավետությունը դեռահասների պարագայում, քանի որ վերջիններս կարող են դրանք շրջանցելու ուղիներ գտնել։ Առցանց բռնության կանխման հիմնական մեթոդներն են կրթությունը և փոխվստահության ստեղծումը։

Ինչ կարելի է անել

1. Ինտերնետում կապ պահպանեք։

• Սոցիալական ցանցերում և մեսենջերներում «ընկերներ» եղեք, փոխանակեք անձնական հաղորդագրություններ ձեր երեխայի հետ:
• Պարզեք, թե ում հետ է նա շփվում և ինչ խմբերի է անդամակցում։

2. Բացատրեք ռիսկերը։

• Խոսեք Ինտերնետում ռիսկային իրավիճակների մասին՝ ինչպես ճանաչել դրանք և ինչ անել վտանգից խուսափելու համար:
• Ծնողը պետք է առաջինը սկսի զրույց դժվար թեմաների շուրջ, որպեսզի խնդիրների դեպքում երեխան չվախենա նրան դիմել։

3. Հասունացման հետ կապված հարցերում ինտերնետից արագ գտնվեք։

• Դեռահասները հետաքրքրված են մարմնի և հարաբերությունների հարցերով, և եթե նրանք տեղեկատվության այլ աղբյուր չունեն, անխուսափելիորեն կհայտնվեն «մեծահասակների» համար նախատեսված ռեսուրսներում՝ ներառյալ պոռնոգրաֆիկ կայքերը:
• Ավելի լավ է երեխային առաջարկեք տեղեկատվության այլ աղբյուրներ, օրինակ՝ մտերմիկ խոսակցություններ կամ նրա տարիքին համապատասխան գրքեր։

Ինչու՞ կարող է առցանց բռնության կանխարգելումը արդյունավետ չլինել

Առցանց բռնության կանխարգելումը արդյունավետ չի լինի, եթե ձեր ընտանիքում ինտերնետի թեման կոնֆլիկտի է հանգեցնում: Օրինակ, որոշ մեծահասակներ.

• Գաղտնի կարդում են երեխաների նամակագրությունը և պատժում նրանց դրա համար։
• Սարքերը խլում են երեխաներից կամ սահմանափակում նրանց ինտերնետ հասանելիությունը սահմանափակվում է։
• Համացանվում Ծաղրում և երեխայի հետաքրքրությունները կամ քննադատում են նրանց առցանց ճաշակը:

Նման գործողությունները կարող են հանգեցնել նրան, որ երեխան սկսի թաքնվել և կորցնել վստահությունը: Եթե երեխայի հետ անախորժություններ պատահեն, նա այլևս չի կարողանա վստահել ծնողներին։

Ինչպե՞ս ձեր երեխային բացատրել ինտերնետում անծանոթներից եկող վտանգների մասին:

Ձեր երեխայի հետ քննարկեք այս յոթ պարզ կանոնները, որոնք կօգնեն նրան ավելի լավ հասկանալ, թե ինչպես պաշտպանվել անծանոթներից և խուսափել հնարավոր վտանգներից Ինտերնետ տիրույթում:

1. Ինտերնետում ոչ բոլորն են այնպիսին, ինչպիսին ձևացնում են: Մարդիկ կարող են այլ մարդ ձևանալ, ուստի կարևոր է զգույշ լինել և կասկածների դեպքում միշտ մեծահասակներից խորհուրդ խնդրել:

2. Անձնական տվյալները պետք է գաղտնի մնան: Մի՛ տրամադրի քո անունը, տարիքը, գտնվելու վայրը կամ դպրոցի անունը անծանոթ մարդկանց:

3. Պետք չէ ուղարկել այն, ինչ ուղարկել չես ուզում: Մի՛ թող, որ քեզ համոզեն կամ սպառնան, եթե ինչ-որ մեկը համառորեն պահանջում է ինչ-որ բան ուղարկել:

4. Եթե ինչ-որ մեկն առաջարկում է գաղտնի պահել ձեր հարաբերությունները, սա վտանգի ակնհայտ նշան է: Նման մարդիկ ցանկանում են քեզ վնասել և վախենում են, որ ծնողներդ կիմանան իրենց մասին։

5. Մի՛ տրվի շանտաժին. եթե ինչ-որ մեկը սպառնում է, որ կտարածի քո լուսանկարը, սա դեռ սկիզբն է, պահանջները գնալով կավելանան: Անմիջապես այդ մասին տեղյակ պահի մեծահասակին։

6. Միայնակ մի՛ գնա հանդիպման մարդկանց հետ, ում հանդիպել ես սոցիալական ցանցերում։ Դա կարող է ծուղակ լինել: Եթե դեռ ցանկանում ես իրական կյանքում ծանոթանալ ինտերնետից ծանոթ ընկերոջ հետ, պայմանավորվի հանդիպման մասին ցերեկային ժամի և հասարակական վայրում (սրճարան, առևտրի կենտրոն), տեղեկացրու ծնողներին, քեզ հետ վերցրու ընկերներիդ։

7. Ինտերնետով ուղարկված լուսանկարները կամ տեսանյութերը կարող են հրապարակային դառնալ: Եթե հեռախոսդ կորցնես կամ քո օգտահաշիվը կոտրեն, այն կարող է հայտնվել սխալ ձեռքերում: Նախքան որևէ բան ուղարկելը, պատկերացրու, որ այն պատկերված է ձեր փողոցի մեծ գովազդային վահանակի վրա: Դեռ ցանկանու՞ մ ես ուղարկել այն: